محاضرات, سكاشن, تقارير,معادلات, قوانين, مراجع, ملازم, شيتات,امتحانات.....
وبعدين,
هل في مرة مثلا خرجت من محاضرة وانت عارف ازاي هتطبق المعادلات والقوانين اللي خدتها دي في الواقع والحياة العملية؟
طيب هل الكلية بتوفرلك حصص عملية كفاية عشان تخليك مهندس حقيقي قادر انه يطبقّ النظريات و القوانين في حاجات عملية علي أرض الواقع؟
ممكن حد يشوف ان كل ده مش مهم وان الواحد دلوقتي ممكن يعلم نفسه بنفسه بسهولة جدا لتعدد المصادر وسهولة الوصول اليها زي الكورسات اللي علي النت مثلا.
لكن يظل التطبيق العملي هو العائق الوحيد في مشوار المهندس الناجح
طيب تعرف ان دلوقتي أول سؤال بيتسأل للمهندس الخريج الجديد: معاك كام سنة خبرة؟
ايوة, يعني انت لازم تكون بتدرس وفي نفس الوقت تكون اشتغلت في شركات او مصانع سواء كانت وظيفة أو تدريب.
وظيفة !!!!
ايوة وظيفة, فيه طلبة كتير جدا دلوقتي بيشتغلوا أثناء دراستهم وده بسبب انهم كانوا مجتهدين و سعَوا وابتدوا بإنهم يدخلوا تدريب في الصيف في المصانع وفي الشركات الكبييرة وبعد كده الشركات دي بقت بتدورعليهم بنفسها لأنهم متأكدين من كفاءته العملية ومش محتاجين يختبروه.
ده شئ منطقي جدا بسبب المنافسة الرهيبة في سوق العمل لإزدياد عدد الطلبة اللي في كليات الهندسة بإستمرار.
و GATE بقالها 8 سنين بتحاول توصل الثقافة دي لكل الطلبة ده غير انها بتساعدهم في مشوارهم, وGATE بتفخر انها بتعمل ده لكل الأقسام بلا استثناء
مدني, ميكانيكا, عمارة, اتصالات, طيران, طبية, كهرباء, بترول, كيمياء, كمبيوتر.
برغم ان السنة دي كانت من أصعب السنين في التعامل مع الشركات بسبب ظروف البلد , إلا اننا قدرنا نوفر أكبر عدد ممكن من فرص التدريب لطلاب هندسة.
ومن ثمّ, تعلن GATE'14 عن انطلاق برنامج GATE Internships Program 2014
اكثر من 350 فرصة تدريب
23 شركة عالمية ومحلية
ل 10 أقسام مختلفة في هندسة
تابعوا ال Event عشان تعرفوا طريقة التسجيل للحصول علي التدريب.
ليست هناك تعليقات:
إرسال تعليق